RÓSAKOT

Njóttu í sveitasælunni

Sumarhús í sveitastíl

Rósakot er vandað og áhugavert hús í sveitastíl þar sem rósir og rósóttir munir og skraut er þema húsins. Húsið er samtals 140m2 að meðtöldum tveim sér gestarýmum og getur hýst allt að 12-14 manns. Húsið er staðsett við Húsavíkurflugvöll og 15 mín frá Húsavík.

Húsið er í skjólgóðu kjarrivöxnu umhverfi þar sem hraunið, Laxáin og kjarrið mynda einstaka náttúrufegurð og veðursæld.

Húsið er fullkomið fyrir fjölskyldur þar sem öll nauðsynleg þægindi fylgja.

Þráðlaust 4g net
Eldhús- og borðbúnaður
50" flatskjár
Uppþvottavél og ísskápur
Gashelluborð/Spanhellur
Úti- og inni arin
Nuddpottur
Gasgrill
Þvottavél

Myndband

MYNDASAFN

Umsagnir

– Úr gestabók – 

,,Dvöldum í Rósakoti í mjög góðu yfirlæti og góðu veðri. Það var eins og að dvelja á herragarði, mjög rúmgótt og hélt vel utan um okkur. Takk kærlega fyrir okkur.

,,Við höfum átt yndislega viku hér í bíðskapar veðri. Pallurinn og potturinn mikið notaður og börnin himinlifandi með fótboltamarkið og svo líka leiksvæðið. Ótrúlega fallegt hús á frábærum stað.

,,Áttum hér æðislega viku í Rósakoti, fengum æðislegt veður og nutum að skoða norðurlandið í sólinni. Bústaðurinn er æðislegur og það fór virkilega vel um okkur. Takk fyrir okkur.

,,Dvöldum hér sæl og glöð í þessu ævintýra húsi. Þótt skiptist á skyn og skúrir í veðrinu eins og gengur og gerist.

,,Höfum átt hér algjörlega frábæra viku í þessu yndislega húsi. Veðrið hefur leikið við okkur. Takk kærlega fyrir okkur.

,,Yndislegt að vera hér í þessu fína húsi. Fengum dásamlegt veður og nutum þess að skoða okkur um í nágrenninu.

,,Höfðum það huggulegt í algjörri rjómablíðu hér fyrir norðan og erum hæst ánægð með kotið! Takk kærlega fyrir okkur.

,,Takk fyrir okkur, frábær staður til að vera á. Í Aðaldal í yndis sloti áttum góða stund. Í kyrrð og ró í Rósakoti reistist okkar lund.

UMHVERFIÐ & AFÞREYING

Húsavík er elsti bær á Íslandi og sem stundum er kölluð höfuðborg hvalanna er
í u.þ.b. 12-15 mínútna aksturs fjarlægð þar sem hægt er að sækja alla nauðsynlega þjónustu og afþreyingu. Það má telja bakarí, bruggverksmiðju, bari og veitingahús, sundlaug, golfvöll og frábærar gönguleiðir og aðra áhugaverða afþreyingu.

Nýlega opnuðu Geosea sjóböð sem hafa vakið mikla eftirtekt fyrir gæði og fallega hönnun. Aðaldalsflugvöllurinn (flugstöðin) er í aðeins 5 mínútna fjarlægð og er áætlunarflug til Reykjavíkur 2-3 sinnum á dag. Mývatn er í u.þ.b. 30 mínútna fjarlægð og Akureyri u.þ.b. 40 mínútna fjarlægð ef farið er í gegnum Vaðlaheiðargöng.

Einnig er stutt í allar helstu náttúruperlur norðurlands  og er Mývatn, Bárðardalur, GoðafossÁsbyrgiHljóðaklettar og Dettioss og svo eitthvað sé nefnt, rétt innan seilingar og eru hluti af Demantshringnum. Demantshringurinn er stórkostlegur 250 kílómetra langur hringvegur á Norðurlandi með fimm lykil áfangastaði og einstaka náttúru og afþreyingu við allra hæfi. Einnig eru víða fallegir og áhugaverðir staðir í Aðaldalnum sem ávallt er skemmtilegt að heimsækja.

Í næsta nágrenni eru fallegir og gjöfulir veiðistaðir og þar má helst telja
Laxá í Aðaldal sem óþarft er að lýsa enda má víða finna hástemmdar lýsingar veiðimanna og náttúruunnanda um hana og umhverfi hennar. Einnig má nefna Mýrarkvísl sem rennur í Laxaánna og Skjálfandafljótið sem er talið eitt best geymda leyndarmálið í laxveiðinni á Íslandi í dag. Einnig eru áhugaverð veiðivötn víða í nágrenninu sem oft gefa góða veiði. Gott berjarland er í skógarbotninum í kringum húsið sem og víða í dalnum þar sem má finna Bláber og Aðalbláber á haustin. Miklar og góðar veiðilendur rjúpna og gæsa eru einnig í næsta nágrenni.

BÓKAÐU AFÞREYINGU HÉR

Translate »